90 – Skipulags- og bygginganefnd

Tillaga deiliskipulags Dagverðarness frístundalóða nr. 56 og 57 á svæði 8 var auglýst frá 20 maí til 1. júlí 2015 sbr. 1. mgr. 41. gr. skipulagslaga nr. 123/2010. Ein athugasemd barst á auglýsingar tíma.

Skipulags- og byggingarnefnd leggur til við hreppsnefnd að tekið verði tillit til innsendrar athugasemdar þannig að gerð verði sú breyting á auglýstri tillögu að gönguleið verði tryggð á milli lóðar 55 annars vegar og lóða 56 og 57 hinsvegar. Það er mat skipulags- og byggingarnefndar að ekki sé um grundvallar breytingu að ræða á auglýstri tillögu þannig að ekki sé þörf á að auglýsa hana á nýjan leik. Skipulags- og byggingarnefnd leggur til við hreppsnefnd að samþykkja tillögu deiliskipulags með ofangreindum breytingum sbr.3. mgr. 41. gr. skipulagslaga nr. 123/2010 m. s. br.

Úrskurður Úrskurðarnefndar umhverfis- og auðlindamála nr. 26/2013 sem kveðin var upp þann 2. júlí 2015 er varðar öryggishlið í landi Indriðastaða er lagður fram.

Skipulags- og byggingarnefnd leggur til við hreppsnefnd í ljósi úrskurðar Úrskurðarnefndar umhverfis- og auðlindamála nr. 26/2013 að mótuð verði stefna um öryggishlið innan sveitarfélagsins. Skipulags- og byggingarnefnd leggur til við hreppsnefnd að ekki verði heimiluð læst öryggishlið innan sveitarfélagsins, þar sem sveitarfélagið hefur sett upp öryggismyndavélar við allar aðkomuleiðir inn í sveitarfélagið. Það er einnig mat nefndarinnar að læst öryggishlið skerði aðgengi fólks að bæði vatni og fjalli og veiti falskt öryggi.

Tillaga breytingar deiliskipulags Hvammsskóga neðri var auglýst frá 20. maí til 1. júlí 2015 sbr. 1. mgr. 43. gr. skipulagslaga m.s.br.. Tvær athugasemdir bárust á auglýsingartíma.

Skipulags- og byggingarnefnd leggur til við hreppsnefnd að ekki verði tekið tillit til innsendra athugasemda og auglýst tillaga smþykkt óbreytt sbr. 3. mgr. 41. gr. skipulagslaga nr. 123/2010 m.s.br.. Skipulags- og byggingarnefnd leggur til við hreppsnefnd að skipulagsfulltrúa verði falið að auglýsa niðurstöðu hreppsnefndar, senda Skipulagsstofnun samþykkta tillögu til yfirferðar og að því loknu að birta auglýsingu um samþykkt deiliskipulags í B-deild Stjórnartíðinda.

Tillaga breytingar deiliskipulags Hvammsskóga var auglýst frá 20. maí til 1. júlí 2015 sbr. 1. mgr. 43. gr. skipulagslaga m.s.br. Ein athugasemd barst á auglýsingartíma.

Skipulags- og byggingarnefnd leggur til við hreppsnefnd að ekki verði tekið tillit til innsendrar athugasemdar og auglýst tillaga samþykkt óbreytt sbr. 3. mgr. 41.gr. skipulagslaga nr. 123/2010 m.s.br. Skipulags- og byggingarnefnd leggur til við hreppsnefnd að skipulagsfulltrúa verði falið að auglýsa niðurstöðu hreppsnefndar, senda Skipulagsstofnun samþykkta tillögu til yfirferðar og að því loknu að birta auglýsingu um samþykkt deiliskipulags í B-deild Stjórnartíðinda.