68 – Skipulags- og bygginganefnd

Sótt er um leyfi til að setja upp 3 öryggishlið, sem staðsett verða á aðkomuvegum að: 1)Indriðastöðum/Bleikulág að Stráksmýri. 2)Hrísás. 3)Indriðastaðahlíð.

Skipulags- og byggingarnefnd samþykkir með 2 atkvæðum gegn 1 að veita byggingaleyfi að undangenginni grenndarkynningu. PD greiddi atkvæði á móti þar sem öryggishliðin ná ekki að gæta öryggis allra frístundalóðarhafa í Indriðastaðahverfinu. Grenndakynna skal gagnvart grönnum á lóð Indriðastaða 17 og 23, íbúðalóðar við Hrísás og landeiganda. Skipulags- og byggingarnefnd bendir á að ekki má loka reiðleið meðfram Hrísás og tryggja þarf að allir öryggisaðilar og embættismenn sveitarfélagsins hafi aðgang að hliðunum.

Grenndarkynningu er lokið. Athugasemdir bárust frá landeiganda.

Skipulags- og byggingarnefnd hefur kynnt sér innsendar athugasemdir. Nefndin leggur til við hreppsnefnd að ekki verði fallist á þær og heimili deiliskipulagsbreytingu lóðar 119 í Dagverðarnesi.

Tillaga að breytingu á deiliskipulagi „S2 Dagverðarnes í Skorradal, sumarhúsalóðir skipulag lóða og leikvalla“ hefur verið auglýst. Engar athugasemdir hafa borist.

Skipulags- og byggingarnefnd leggur til við hreppsnefnd að auglýst tillaga verði samþykkt.

Tillaga að breytingu á deiliskipulagi „S1 Dagverðarnes í Skorradal, sumarhúsalóðir“ hefur verið auglýst. Engar athugasemdir hafa borist.

Skipulags- og byggingarnefnd leggur til við hreppsnefnd að auglýst tillaga verði samþykkt.

Sótt er um stofnun 1,495 ha lóðar í landi Efri-Hrepps sbr. uppdrætti dags. 18. sept. 2012. Fyrirhuguð landnotkun er íbúðarlóð.

Skipulags- og byggingarnefnd samþykkir stofnun lóðar.

Sótt er um stofnun 1957 m2 útivistarlóðar í landi Indriðastaða sbr. uppdrætti dags. 23. ágúst 2012. Lóðin er innan skipuagssvæðis Indriðastaðahlíðar.

Skipulags- og byggingarnefnd samþykkir stofnun lóðar

Sótt er um framkvæmdaleyfi til efnistöku í Fitjaá í landi Bakkakots og Fitja. Um er að ræða 5000 m3 af efni. Fyrirhugaður framkvæmdatími er 2012-13. Hluti efnis verður haugsettur. Umsögn Landgræðslu Ríkisins, Jóns Kristjánssonar fiskifræðings og samþykki Fiskistofu liggur fyrir.

Skipulags- og byggingarnefnd samþykkir að veita framkvæmdaleyfi þar sem framkvæmd er í samræmi við auglýst aðalskipulags sem er til staðfestingar ráðherra. Ekki er þörf á grenndarkynningu framkvæmdar þar sem umsækjendur eru sjálfir grannar og landeigendur. KHG sat hjá við afgreiðslu málsins.