Guðmundur Sigurðsson, formaður setti fund og bauð fólk velkomið.
- Skýrsla Búnaðarsamtaka Vesturlands (BV) um framkvæmd búfjáreftirlits vegna liðins árs og núverandi tímabil. Torfi Bergsson fulltrúi BV mætti á fundinn og fór yfir skýrsluna. Ástand almennt gott á svæðinu varðandi skil á skýrslum. Torfi ræddi um eftirlit með hrossum og þá vankanta í kringum þær skráningar. Að endingu var lagt fram yfirlit um kostnað vegna búfjáreftirlits veturinn 2007-08.
Guðmundur lagði fram, til kynningar, undirritaðan samning við Búnaðarsamtök Vesturlands um framkvæmd forðagæslu á svæðinu á árinu 2007.
Torfi vék nú af fundi.
- Gjaldskrá fyrir búfjáreftirlit.
Skorradalshreppur hefur samþykkt gjaldskrána í gegnum tvær umræður á árinu 2007, en Borgarbyggð hefur ekki lokið umfjöllun um hana.
Guðmundur lagði því fram aftur breytingartillögu Borgarbyggðar við gjaldskránna.
Varðandi breytingu, að bætt sé inn gjaldi vegna handsömunar á búfé.
Ritari lagði fram minnisblað dagsett 20. febrúar 2009. Eftir umræður mælist nefndin til að þessi breyting verði ekki sett í gjaldskrána. Bendir nefndin á fyrrnefnd minnisblað og að hérna sé verið að setja gjaldskrá vegna búfjáreftirlits. Í minnisblaðinu er bent á aðrar leiðir. Nefndin býður einnig upp á að koma á fund umhverfis- og landbúnaðarnefndar eða byggðaráðs Borgarbyggðar til viðræðna.
Einnig var breytt nokkrum atriðum varðandi texta og upphæðum.
Breytt gjaldskrá lögð fram en afgreiðslu frestað til næsta fundar.
- Samningur við Búnaðarsamtök Vesturlands um búfjáreftirlit 2007-08. Nefndin staðfestir formlega, heimild er veitt var formanni í tölvupósti til að undirrita samningin haustið 2007 og gilti í eitt ár.
- Samningur við Búnaðarsamtök Vesturlands um búfjáreftirlit 2008-09. Gildir hann í eitt ár og er óbreyttur frá fyrra ári bæði er varðar verð á tímeiningu og texta.
Samningur er samþykktur og formanni heimilað að undirrita hann.