Búfjáreftirlitsnefnd á svæði 5, fundur nr. 12
Fundargerð
19. september 2012
Símafundur búfjáreftirlitsnefndar á svæði 5 haldinn þann 19. september 2012 kl. 13:30. Mætt eru: Guðmundur Sigurðsson, formaður og Sigrún Ólafsdóttir fyrir hönd Borgarbyggðar (í símasambandi) og Pétur Davíðsson fyrir hönd Skorradalshrepps.
Guðmundur setti fund og bauð nefndarfólk velkomið. Var síðan gengið til dagskrá.
-
Gjaldskrá fyrir búfjáreftirlit.
Umræða var um gjaldskrá og breytingatillögur á henni. Formaður sagði frá fundi með byggðaráði Borgarbyggðar þann 6. september s.l.sem hann og PD sóttu. Var þar rætt um nokkur atriði í gjaldskránni. Eftir nokkra umræðu samþykkt að bæta við einni grein í gjaldskrána sem verður 3. grein. Hún er eftirfarandi:
3. gr.
Komi til þess að grípa þurfi til fóðrunar og hýsingar búfjár, sbr. ákvæði 4. mgr. 10. gr. laga nr. 103/2002, skal búfjáreigandi greiða gjald sem nemur útlögðum kostnaði sveitarfélagsins hverju sinni.
Uppfærð gjaldskrá sent sveitarstjórnum til afgreiðslu.
Formaður mun síðan eftir staðfestingu sveitarstjórnanna senda gjaldskrá til staðfestingar í Atvinnuvega- og nýsköpunarráðuneytið.
Ekki fleira gert og fundi slitið, kl. 14:05
Pétur Davíðsson, ritari