108 – Skipulags- og bygginganefnd

Greinargerð Framdalurinn-Fitjasókn,sem er hjálagt gagn umsóknar sveitarfélagsins um styrk úr Húsafriðunarsjóði 2016, lagt fram.

Skipulag- og byggingarnefnd harmar það að hafa ekki séð umrædda greinargerð sem fylgdi umsókn Framdalurinn-Fitjasókn í Skorradal sbr. lög um Verndarsvæði í byggð nr. 87/2015. Skipulags- og byggingarnefnd leggur til við hreppsnefnd að óskað verði eftir fundi með Minjastofnun Íslands vegna þessa máls til að ákveða um áframhald verkefnisins. Skipulags- og byggingarnefnd leggur áherslu á að aðalskráningu fornleifa og húsakönnun innan sveitarfélagsins verði lokið sem fyrst.

Ljóspunktur ehf., sem er í eigu Skorradalshrepps, óskar eftir framkvæmdaleyfi fyrir 1. áfanga er varðar lagningu ljósleiðara í Skorradalshreppi. Lagður er fram uppdráttur, sem barst með tölvupósti dags. 10.okt. 2017,sem sýnir legu lagnar. Samþykki Vegagerðar liggur fyrir. Umsögn Minjavarðar Vesturlands liggur ekki fyrir. Samþykki landeiganda liggur ekki fyrir.

Skipulags- og byggingarnefnd leggur til við hreppsnefnd að framkvæmdaleyfisumsókn verði grenndarkynnt sbr. 3. mgr. 44. gr. skipulagslaga nr.123/2010 sem heimilar að stytta grenndarkynningartíma með því að landeigendur áriti kynningargögn. Skipulags- og byggingarnefnd leggur til við hreppsnefnd að skipulagsfulltrúa verði heimilt að veita framkvæmdaleyfi sbr. 13. gr. skipulagslaga nr. 123/2010 þegar gögn liggja fyrir er varðar uppdrátt lagnaleiðar, umsögn Minjavarðar og samþykki landeiganda.