87 – Hreppsnefnd

Hreppsnefnd Skorradalshrepps hélt aukafund með Íbúasamtökum Hvanneyrar og nágrennis. Fyrir hönd íbúasamtakanna mættu; Álfheiður Sverrisdóttir, Borgar Páll Bragason og Sigurður Guðmundsson.

Á dagskrá var eitt mál, sem var fundur með fulltrúum Íbúasamtaka Hvanneyrar og nágrennis, en þau höfðu óskað eftir fundi með nefndinni þar sem þau vildu ræða stöðu skólamála á Hvanneyrir, í kjölfar þess að sveitarstjórn Borgarbyggðar ákvað að loka grunnskólanum á Hvanneyri og koma tveim neðstu bekkjum grunnskólans fyrir í leikskólanum. Fulltrúar íbúasamtakana lýstu mikilli óánægju með þessa ákvörðun sveitarstjórnar Borgarbyggðar og ræddu þann möguleika, hvort Skorradalshreppur gæti haft áhrif á þessa ákvörðun Borgarbyggðar. Málin voru rædd frá ýmsum hliðum og ýmsum möguleikum velt upp. Hreppsnefnd Skorradalshrepps tekur undir áhyggjur íbúasamtakana, þar sem þessi ákvörðun Borgarbyggðar hefur líka veruleg áhrif á nemendur úr Skorradal. Fundarmenn voru sammála um að vinna málið áfram, og upplýsti hreppsnefndin að til stæði að halda íbúafund með íbúum Skorradals fljótlega, þar sem framtíðarstaða skólamála í hreppnum verður rædd.