105 – Skipulags- og bygginganefnd

Lagt fram til kynningar.

1.1

1701002 – Refsholt 1

1.2

1704005 – Refsholt 27, Umsókn um byggingarleyfi

1.3

1704006 – Refsholt 29, Umsókn um byggingarleyfi

1.4

1609009 – Vatnsendahlíð 200, umsókn um byggingarleyfi 2016

Landeigendur að Fitjum óska eftir að stofnuð verði íbúðarlóð, Fitjar-Smalagerði stærð 5000 m2, úr landi Fitja, skv. uppdrætti frá Ómari Péturssyni. Stofnun íbúðarlóðar í landi Fitja samræmist stefnu Aðalskipulags Skorradalshrepps 2010-2022. Umsögn Vegagerðar liggur fyrir varðandi tengingu við þjóðveg og ekki er gerð athugasemd við hana.

Skipulags- og byggingarnefnd samþykkir stofnun lóðar og leggur til að byggingarfulltrúi vinni málið áfram.

Óskað er eftir breytingu deiliskipulags Hvammsskóga neðri. Um er að ræða sameiningu lóða Hvammsskóga 9 og 11 í eina lóð.

Skipulags- og byggingarnefnd leggur til við hreppsnefnd að grenndarkynna óverulega breytingu deiliskipulags sbr. 2. mgr. 43. gr. skipulagslaga nr. 123/2010 fyrir lóðarhöfum Grenihvamms 2, Hvammsskóga 8, 10, 12 og 13 ásamt landeiganda Hvamms.

Samanber bókun 102. fundar skipulags- og byggingarnefndar þarf að leggja fram breytingu deiliskipulags Indriðastaðahlíðar. Breytingin felur í sér að breyta þarf aðalskipulagi Skorradalshrepps. Breytingin felur í sér: 1) Að leiðrétta þarf staðsetningu jarðamarka á milli Mófellsstaða og Indriðastaða, 2)Lóð Kaldárkots verði innan frístundabyggðasvæðis C, 3) Frístundabyggðasvæði afmarkað í samræmi við gildandi deiliskipulag Indriðastaðahlíðar og opið svæði minnkað sem því nemur, 4)Vatnsból Indriðastaðahlíðar skilgreint.

Skipulags- og byggingarnefnd leggur til við hreppsnefnd að breyting aðalskipulags Skorradalshrepps 2010-2022 er varðar jarðamörk, afmörkun frístundabyggðasvæðis, afmörkun opins svæðis og skilgreiningu vatnsbóls í landi Indriðastaða verði auglýst sbr. 1. mgr. 36. gr. skipulagslaga nr. 123/2010 og skipulagsfulltrúa falið að vinna málið áfram.

Óskað er eftir breytingu deiliskipulags Indriðastaðahlíðar. Um er að ræða stækkun skipulagssvæðis þannig að lóð Kaldárkots (lnr. 134073) 8629 fm verði innan skipulagsmarka. Á lóð Kaldárkots stendur frístundahús byggt 1972. Til stendur að rífa núverandi hús og byggja nýtt ásamt geymslu.

Skipulags- og byggingarnefnd leggur til við hreppsnefnd að heimila óverulaga breytingu deiliskipulags sbr. 2. mgr. 43. gr. skipulagslaga nr. 123/2010. Lagt er til að skipulagsfulltrúi grenndarkynni umrædda breytingu fyrir lóðarhöfum Indriðastaðahlíðar 102 og 106, landeigendum Mófellsstaða og Indriðastaða.

Orka Náttúrunnar (ON) sækir um framkvæmdaleyfi til hreinsunar á árfarvegi Andakílsár vegna mótvægisaðgerða vegna umhverfisslyss í ánni. Umhverfisslysið varð þegar opnað var fyrir botnloku stíflu Andakílsárvirkjunar og aur rann út í ánna í miklu magni á tímabilinu 15-19 maí 2017. Fullnægjandi gögn um áætlað magn sem fór út í ánna liggur ekki fyrir. Framkvæmdin felur í sér að moka og dæla upp botnseti með það að markmiði að endurheimta hrygningar-, uppeldis- og veiðisvæði í ánni milli stöðvarhúss virkjunar og niður að brú Borgarfjarðarbrautar yfir Andakílsá. Um er að ræða 1.000 m3 af efni. Efnið er fínt set og möl. Efni verður haugsett í námu í landi Syðstu Fossa í Borgarbyggð. Framkvæmdartími er júní 2017. Umsögn Fiskistofu, Náttúrufræðistofnunar, Veiðifélags Skorradalsvatns og Veiðifélags Andakílsár liggur fyrir. Samþykki landeiganda liggur fyrir að undanskildum landeigendum lands Neðri-Hrepps 1 (landnr. 222798) og Neðri-Hrepps-Hreppshómi (landnr. 191844).

Skipulags- og byggingarnefnd leggur til að skipulagsfulltrúi óski eftir umsögn Umhverfisstofnunar varðandi skýrslu Náttúrufræðistofnunar Íslands.

Skipulags- og byggingarnefnd óskar eftir að ON leggi fram fullnægjandi gögn er varðar útreikninga á því magni efnis sem rann út í ánna á tímabilinu 15-19 maí sl. fyrir lok júlí 2017.

Skipulags- og byggingarnefnd óskar eftir við ON að samþykki landeiganda Neðri-Hrepps 1 (landnr. 222798) og Neðri-Hreppur-Hreppshólmi (landnr. 191844) fyrir hreinsun Andakílsár liggi einnig fyrir.

Skipulags- og byggingarnefnd leggur til við hreppsnefnd að skipulagsfulltrúa verði falið að veita framkvæmdaleyfi á grundvelli framlagðra gagna frá ON þegar samþykki allra landeiganda liggur fyrir um hreinsun árfarvegar Andakílsár.