92 – Skipulags- og bygginganefnd

Umhverfis- og samgöngunefnd Alþingis sendir til umsagnar mál nr. 10, 101, 133 og 140.

Skipulags- og byggingarnefnd leggur til að skipulagsfulltrúa verði falið að fara yfir málin og vinna umsögn í samráði við formann nefndarinnar.

Sótt er um að stækka lóðina Hálsar 5 úr 2225 m2 í 3150 m2 og byggingarreit til norð/austurs.

Að teknu tilliti til athugasemda byggingarfulltrúa leggur skipulags- og byggingarnefnd til að samþykkja umrædda stækkun og felur byggingarfulltrúa að vinna málið áfram.

Á 34. afgreiðslufundi byggingarfulltrúa var málinu vísað til skipulags- og byggingarnefndar. Sótt er um byggingarleyfi fyrir byggingu á vélaskemmu, 68,9 m2 á lóðinni Hálsar 5.

Að teknu tilliti til athugasemda byggingarfulltrúa leggur skipulags- og byggingarnefnd til að byggingarleyfi verði samþykkt þar sem skriflegt samþykki lóðarhafa og landeiganda liggur fyrir um byggingar vélaskemmu innan hennar og því ekki þörf á grenndarkynningu í samræmi við 44. gr. skipulagslaga nr. 123/2010 m.s.br.

Á 34. afgreiðslufundi byggingarfulltrúa var málinu vísað til skipulags- og byggingarnefndar. Sótt er um byggingarleyfi fyrir stækkun, um 25,3 m2 á núverandi frístundarhúsi, sem er 88,2 m2. Eftir breytingu yrði því húsið 113,5 m2. Samanlagt byggingarmagn á lóð verður þá 183,5 m2 og samræmist það stefnumörkun aðalskipulags sveitarfélagsins.

Skipulags- og byggingarnefnd leggur til við hreppsnefnd að grenndarkynna byggingarleyfi sbr. 44. gr. skipulagslaga nr. 123/2010 m.s.br. fyrir lóðarhöfum Indriðastaða 3, 5 og landeiganda. Skipulagsfulltrúa falið að vinna málið áfram.

Erindi frá Hvalfjarðarsveit er varðar breytta stefnumörkun um landbúnaðarsvæði dags. 18.sept. 2015.

Skipulags- og byggingarnefnd leggur til að skipulagsfulltrúa verði falið að senda umsögn til Hvalfjarðarsveitar í samræmi við umræður á fundinum.

Indriðastaðahlíð 104 og 106, breyting aðalskipulags – Mál nr. 1510002

Með erindi dags. 8.sept. 2015 óska lóðarhafar Indriðastaðahlíðar 104 og 106 að breyta aðalskipulagi þannig að heimilt verði að sameina lóðir þeirra í eina íbúðarhúsalóð.

Skipulags- og byggingarnefndar leggur til við hreppsnefnd að heimila breytingu aðalskipulags sbr. 1. mgr. 36.gr. skipulagslaga nr. 123/2010. Lagt er til að Skipulagsfulltrúa verði falið að vinna málið áfram og að sjá til þess að lýsingargögn breytingar aðalskipulags verði lögð fram að hálfu lóðarhafa og gögnin kynnt í samræmi við 1. mgr. 30. gr. sömu laga.

Óskað er eftir breytingu deiliskipulags er varðar lóðir við Indriðastaðahlíð 104 og 106. Óskað er eftir sameiningu þeirra í eina lóð og breyta frístundalóð í íbúðarhúsalóð.

Skipulags- og byggingarnefnd frestar afgreiðslu málsins þar til fyrir liggur tillaga breytingar aðalskipulags.